Yeni xəbərlərhttp://www.sistani.org/<p class="c"><br>Bismillahir-Rəhmanir-Rəhim</p> <p class="l">Bu günlərdə Qəzza zolağı davamlı bombardman və misli görünməmiş hücumlar altındadır ki, bu da bu ana kimi altı mindən çox günahsız dinc sakinin şəhid olmasına və yaralanmasına, çoxlu sayda insanın didərgin düşməsinə, yaşayış məntəqələrinin geniş şəkildə dağıdılmasına səbəb olub; bu bombardman müxtəlif əraziləri elə hədəf alıb ki, artıq insanlara sığınacağ yeri qalmayıb. <br>Eyni zamanda, işğalçı ordu Qəzza zolağına hətta su, qida, dərman və digər həyati tələbatların daxil edilməsinin qarşısını alıb, onları ağır mühasirəyə salaraq günahsız insanlara bir çox problemlər yaradıb.<br>Bu əməllər bütün dünyanın gözü, qulağı qarşısında və heç bir maneə olmadan baş verir, bir halda ki, hətta bir qrup bu cinayət əməllərini dəstəkləyir və özünümüdafiə bəhanəsi ilə buna haqq qazandırır!.<br>Bütün dünya bu dəhşətli cinayətə qarşı durmalı və işğalçı qüvvələrin məzlum Fələstin xalqına daha artıq zülm etmək planlarını həyata keçirməsinə mane olmalıdır.<br>Bu əziz insanların 70 illik faciəsinə son qoyulması yalnız öz qanuni hüquqlarına çatdıqda reallaşa bilər və qəsb edilmiş torpaqlardan işğalın aradan qaldırılması bu bölgədə təhlükəsizliyin və əmin-amanlığın bərqərar olmasının yeganə yoludur.<br>Əks halda, təcavüzkarlara qarşı müqavimət davam edəcək və zorakılıq silsiləsi daha çox günahsız insanı ölümə sarı sürükləyəcək.<br>Hər bir hərəkət və güc, uca və böyük olan Allah tərəfindəndir.</p> <p class="c"><br>25 rəbiul-əvvəl, 1445-ci hicri qəməri ili<br>11 oktyabr, 2023<br>Ayətullah Sistaninin (ömrü uzun olsun) ofisi, Nəcəf- Əşrəf</p>http://www.sistani.org/azari/statement/26813/<p class="c"><span class="b">Bismillahir-Rəhmanir-Rəhim</span><br> Hər bir hərəkət və güc uca və böyük olan Allahın tərəfindən və onun icazəsi ilədir.<br><br></p> <p>Bu yaxınlarda Türkiyə və Suriyanın geniş ərazilərini silkələyən şiddətli zəlzələ - yeni məlumatların da göstərdiyi kimi - geridə çoxlu qurbanlar və xəsarətlər, binalarda və yaşayış massivlərində böyük maddi dağıntılar buraxaraq, bu dövrdə nadir insan fəlakətinə səbəb oldu.</p> <p>Nəcəf Əşrəfin dini mərcəiyyəti bu böyük fəlakətdə yaxınlarını itirən insanlara başsağlığı və həmrəylik ifadə edərək, Allah Taaladan yaralananlara səbr və tezliklə şəfa diləyir.Ümid olunur ki, aidiyyatı qurumların və geniş ictimaiyyətin ikiqat səyi ilə zərərçəkmişlərə lazımi ehtiyaclar ən qısa zamanda təmin ediləcək.</p> <p>Uca Allahdan diləyirik ki, bəlaları hər kəsdən uzaqlaşdırsın və hər kəsə xeyir və sağlamlıq bəxş etsin.Həqiqətən, O, bu işin sahibi və rəhimlilərin rəhimlisidir.</p> <p class="c">15 rəcəb, 1444-cü hicri qəməri ili<br>7 fevral 2023<br><span class="b">Ayətullah Sistaninin (ömrü uzun olsun) ofisi, Nəcəf- Əşrəf</span></p>http://www.sistani.org/azari/statement/26718/<p>Bismilləhir-Rəhmanir-Rəhim.</p> <p>Aliməqamlı mərcəyi-təqlid həzrət Ayətullah Sistani (kölgəsi davamlı olsun) cənablarına.</p> <p>Əssəlamu ələykum və rəhmətullahi və bərəkatuh.</p> <p>Bildiyiniz kimi, məhərəmul-həram ayı və Kərbəla faciəsinin ildönümü yaxınlaşır, koronavirus pandemiyası da davam edir. Ölkədəki aidiyyəti qurumların rəhbərləri böyük yığıncaqlardan, xüsusilə də qapalı məkanlarda toplaşmaqdan çəkinməyə təkid edir. İnanclı insanların çoxu da ənənəvi əzadarlıq mərasimləri təşkil etmək istəyirlər və həzrət Seyyidüş-şühəda (s), xanədanı və yavərlərinin matəm mərasimlərinin təşkili ilə bağlı nəyin daha layiqli olmasını soruşurlar. Xahiş edirik, bu barədə bizə yol göstərəsiniz. Öncədən təşəkkür edirik. <br />Nəcəf Əşrəf şəhəri – möminlərdən bir qrupu.</p> <p>Bismillahir-Rəhmanir-Rəhim. <br />Hüseynə, Hüseynin övladlarına və Hüseynin səhabələrinə salam olsun, Allahın rəhməti və bərəkəti olsun. <br />Bu ağrılı faciə ilə bağlı hüzn və qəmi izhar etmək, həzrət Məhəmməd peyğəmbər (s) və onun pak xanədanı ilə İslam və müsəlmanlara dəymiş bu ağır hadisə ilə əlaqədar həmdərdlik nümayiş etdirmək üçün müxtəlif yollar var. Onlara aşağıdakıları misal çəkmək olar:</p> <p>1. Həzrət Əba Əbdillahın (ə) məclislərinin televiziya və internet vasitəsilə canlı yayımlarını nəzərə çarpacaq dərəcədə artırmaq. Bu istiqamətdə, yaxşı olar ki, dini və mədəni mərkəzlər və müəssisələr tanınmış xətiblər və bacarıqlı məddahlarla həmkarlıq etsinlər. İnanclı insanları da təşviq etmək lazımdır ki, öz mənzillərində və olduqları məkanlarda bu söhbət və məddahlıq proqramlarına qulaq asıb onlardan bəhrələnsinlər.</p> <p>2. Həm axşam həm də gündüz vaxtı müəyyən saatlarda ailəvi məclislər bərpa etsinlər, bu formada ki, təkcə ailənin üzvləri və onlarla sıx get-gəlləri olan şəxslər orada iştirak etsinlər və bəzi əzadarlıq proqramlarına, misal üçün peyk antenləri və yaxud internet kanalları vasitəsilə canlı yayımlanan məclislərə qulaq assınlar. <br />Lakin ümumi məclislərdə bütün gigiyenik tövsiyələrə tam dəqiqliklə riayət etmək lazımdır. Misal üçün, iştirakçılar arasında sosial məsafə gözlənilməli, tibbi maskalardan və koronavirusun yayılmasının qarşısını ala biləcək digər vasitələrdən istifadə edilməlidir. <br />Həmçinin lazımdır ki, aidiyyəti qurumların təyin etdikləri iştirakçı sayı ilə kifayətlənsinlər. Bu məsələ isə mərasimlərin örtülü məkanlarda, yaxud açıq havada keçirilməsi, eləcə də virusun müxtəlif şəhərlərdə yayılma dərəcəsindən asılı olaraq müxtəlif ola bilər. <br />3. Aşuraya aid simvol və əlamətlərin paylanması, həmçinin xüsusi əmlak və s. hörmətini saxlamaqla bayraqların və qara parçaların meydanlarda, xiyabanlarda, küçələrdə və digər ictimai məkanlarda qaldırılması ilə yanaşı, ölkənin də qanunlarına tabe olmaq lazımdır. Sözsüz ki, bu simvol və bayraqlarda həzrət İmam Hüseynin (ə) öz böyük islahatçı hərəkatında buyurduğu sözlərindən və Kərbəla faciəsinə həsr olunmuş şer və şah əsərlərdən nümunələr yer almalıdır.</p> <p>Belə mərasimlərdə verilən qidalarla əlaqədar qeyd edək ki, onların hazırlanması və paylanmasında zəruri gigienik şərtlər nəzərə alınmalıdır. Hətta bu məsələlərə riayət etməklə paylama zamanı izdihamın qarşısını almaq üçün yalnız quru yemək hazırlayıb möminlərin evlərinə çatdırmaqla kifayətlənmək lazım gəlsə belə, bu şərtlər nəzərə alınmalıdır. <br />Allah-taala hazırkı şəraitdə hamını bu əhəmiyyətli münasibətin yaşadılması və cənnət gənclərinin ağasının (ə) əzasının bərpası yolunda müvəffəq etsin. O, müvəffəqiyyətin himayədarıdır.</p> <p>9 zilhiccə 1441 hicri qəməri – 30 iyul 2020</p> <p>Sistani cənablarının (ömrü uzun olsun) dəftərxanası – Nəcəf Əşrəf</p>http://www.sistani.org/azari/archive/26455/<p class="c"><br /><span class="b">Bismillahir-Rəhmanir-Rəhim</span><br /><span class="b">Aliməqamlı şiə mərcəyi-təqlidi seyid Əli Sistaninin (kölgəsi uzun olsun) dəftərxanası</span></p> <p><br />Salam əleykum. <br />Xahiş edirik koronavirusdan dünyasını dəyişmiş şəxslərlə bağlı aşağıdakı suallara cavab verəsiniz. <br />1. Müsəlman bir şəxs koronavirusa yoluxdundan dünyasını dəyişsə, onun cənasəsinə digər cənazələr kimi qüsl vermək vacibdir, yoxsa təyəmmüm kifayət edir? Əgər məsuliyyətli şəxslər hətta təyəmmüm üçün icazə verməsələr, cənazəni qoruyucu kimyəvi maddələrlə məxsusi kisələrə qoysalar və dəfndən qabaq kiməsə onu açmağa icazə verməsələr, nə etmək lazımdır? <br />2. Əgər kafuru cənazənin yeddi yerinə çəkməklə hənut etmək mümkün olmasa, onu nə ilə əvəz etmək olar?<br />3. Cənazəni üç tikə parça ilə kəfənləmək vacibdirmi? Aidiyyəti olan orqanlar onu kəfənləmək üçün kisələri açmağa icazə verməsələr, nə etməliyik?<br />4. Bəzi qeyri-müsəlman ölkələrdə koronavirusdan vəfat etmiş cənazələr yandırılır. Sual budur ki, müsəlman ölünün qohumları belə bir işə icazə verə bilərmi? Mümkün olan təqdirdə cənazənin yandırılmasına mane olmalıdırlarmı? <br />5. Ölünü tabuta qoymaq və tabutu torpağın altında dəfn etməyin hökmü nədir?<br />6. Mütəxəssis insanlara görə koronavirusdan dünyasını dəyişmiş cənazələri ümumi qəbiristanlıqda dəfn etməyin maneəsi yoxdur və bunun üçün xüsusi tədbirlərə, misal üçün cənazəni dərində basdırmaq və bu kimi işlərə ehtiyac yoxdur. Çünki bu virusun fəaliyyətini davam etdirməsi üçün canlı hüceyrələrə ehtiyacı var. Yoluxmuş insan öldükdən sonra bu virus bir neçə saat həyatda qala bilər. Lakin ölünün cəsədindən çıxmaq yolu olmadığına görə virus tələf olur. Bu üzdən tibbi ehtiyatları gözləmək o cümlədən onu daşıyıb dəfn edərkən maska və əlcəkdən istifadə etmək kifayətdir. Dəfn etdikdən sonra virusun başqalarına keçəcəyindən heç bir nigarançılıq yoxdur. <br />Belə bir şəraitdə koronavirusdan dünyasını dəyişənlərin vəsiyyətinə və yaxud qohumlarının istəyinə baxmayaraq onları şəhərin ümumi qəbiristanlıqlarında – qəbiristanın bir güşəsində olsa belə - basdırılmasına mane olmağın hökmü nədir?</p> <p class="c"><br /><span class="b">Bismillahir-Rəhmanir-Rəhim</span></p> <p class="l"><br /><br /> 1. Virusun yayılma təhlükəsinə görə cənazəyə qüsl vermək mümkün olmayan hallarda, sağ bir şəxsin əlcəklə də olsa ona təyəmmüm verməsi mümkündürsə, bu işi görməlidir. Təyəmmüm vermək mümkün olmazsa, yaxud məsuliyyət daşıyan şəxslər bu işə mane olarsa, cənazə qüsl və təyəmmüm verilmədən dəfn edilsin. <br /> 2. Bu halda hənut etmək öz qüvvəsindən düşür və bu işin heç bir əvəzedicisi yoxdur.<br /> 3. Cənazəni üç məxsusi parça ilə kəfənləmək vacibdir. Hətta bunu kisənin üzərindən də etmək olar. Cənazəni bu formada kəfənləmək mümkün olmazsa, mümkün olan qədərlə, məsələn, bədəni bütövlükdə örtən parça ilə kifayətlənmək lazımdır.<br /> 4. Müsəlman şəxsin cəsədini yandırmaq olmaz. Yaxınlarına və digər şəxslərə vacibdir ki, bu işə mane olsunlar və cənazənin müqəddəs şəriət qaydalarına uyğun şəkildə dəfn edilməsinə israr etsinlər.<br /> 5. Bu iş icazəlidir. Lakin mümkün olarsa, cənazə tabutda, torpağda dəfn edildiyi kimi, yəni sağ tərəfi üstə və üzü qibləyə qoyulmalıdır.<br /> 6. Sualda qeyd olunan halda cənazənin ümumi qəbiristanlıqlarda dəfninə mane olmaq icazəli deyil. Məsul qurumlar da bunun üçün şərait yaratmalıdır. Allah biləndir.</p> <p class="c"><br />  3 Şəban, 1441 hicri qəməri (28 mart, 2020).<br />S. Ə. H. Sistaninin dəftərxanası – Nəcəf şəhəri.</p>http://www.sistani.org/azari/archive/26410/<p class="c">Bismillahir-Rəhmanir-Rəhim<br />Aliməqamlı şiə mərcəyi-təqlidi seyid Əli Sistaninin (kölgəsi uzun olsun) dəftərxanası<br />Salam əleykum.</p> <p><br />Korona virusu dünya ölkələrinin çoxunda geniş yayılmaqda və gündən günə bu virusa yoluxanların sayı artmaqdadır. Ali-dini mərcəiyyətin bu təhlükəli virusla bağlı mövqeyi bizə bəllidir (virusun yayılmasının qarşısını almaq üçün aidiyyəti olan qurumlar tərəfindən verilmiş göstərişlərə tabe olmaq, o cümlədən hər hansı toplantı və yığıncaq təşkil etməmək və hədəfindən asılı olmayaraq orada iştirak etməmək). Onunla bağlı aliməqamlı mərcəyi-təqlidə suallarımız var ki, onlara cavab versəniz minnətdar olardıq. <br />1. Virusa yoluxması şübhəli olan şəxslərə hər hansı formada toxunmaqdan (əl vermək, öpüşmək və bu kimi) çəkinmək vacibdirmi? Belə şəxslərlə qabaqlayıcı tədbirlər görmədən məsələn, maska və əlcək geymədən bir yerdə oturub-durmaq olarmı?<br />2. Əgər bir şəxs bu virusa yoluxarsa yaxud onda şübhəli əlamətlər olarsa, o, bu vəziyyətindən məlumatı olmayan insanlarla bir yerə toplaşa bilərmi? O, bu işi görsə və virusun yayılmasına səbəb olsa, onlarla bağlı məsuliyyət daşıyırmı?<br />3. Əgər bir şəxs virusun geniş yayıldığı bir ölkədən gəlirsə yaxud yoluxmuş xəstələrlə əlaqədə olubsa, virusa yoluxmadığına əminlik əldə edənə qədər evdə qalıb özünütəcrid şəraitinə riayət etməsi yaxud tibbi mərkəzlərə müraciət etməsi vacibdirmi?<br />4. Şəri vergiləri, o cümlədən xüms və zəkatı infeksiyanın yayılmasının qarşısının alınması və yoluxanların müalicəsi istiqamətində zəruri avadanlıq alınmasına sərf etmək, misal üçün əlcək, maska, yuyucu maddələr və dizinfeksiya üçün maddələr və dərman almaq olarmı?<br />5. Möminlərin belə bir virusa yoluxmaq təhlükəsi olan bir şəraitdə onlara tövsiyəniz nədir?</p> <p class="r"><br />Möminlərdən bir qrupu</p> <p> </p> <p class="c">Bismillahir-Rəhmanir-Rəhim</p> <p><br />1. Əgər insan başqalarına toxunmaqla yaxud təmasda olmaqla xəstəliyin özünə keçəcəyindən və nəticədə böyük bir ziyana düşəcəyindən – hətta ölümlə nəticələnməsə belə - qorxursa, bu işdən çəkinməsi lazımdır. Bu halda çəkinmək vacib olmaz ki, insan lazimi ehtiyat tədbirləri görsün, məsələn dizinfeksiya etsin, münasib maska salsın, tibbi əlcək geysin və arxayın olsun ki, xəstəlik ona keçməyəcək. Sözü gedənləri etməsə və ehtiyatlandığı xəstəliyə tutulsa, şəriət baxımından üzrlü sayılmayacaq. <br />2. Virusun başqalarına keçmək təhlükəsi olduğu hallarda, onlarla görüşüb təmasda olmaq icazəli deyil. Bir şəxs belə bir iş görərsə və bu iş onun vəziyyətindən məlumatı olmayan insanların yolulxmasına səbəb olarsa, onların qarşılaşdığı zərərlərlə əlaqədar zamindir, əgər bu səbəbdən virusa yoluxduğuna görə dünyadan gedən olsa, onun diyəsini ödəməlidir. <br />3. Bəli, bu şəxs aidiyyəti olan qurumların verdiyi göstərişlərə riayət etməklə yanaşı sözü gedən tədbirləri görməlidir. <br />4. Zəkatın “səbilillah” səhmini və xümsün İmam (ə) səhmini bu hallara şəri qaydaları gözləməklə sərf etməyin eybi yoxdur, olar. <br />5. Möhtərəm möminlərə aşağıdakıları tövsiyə edirik:<br />1) Allah-taalaya pənah aparmaq və bəlanı dəf etmək üçün onun dərgahına yalvarıb dua etmək, xeyirxah işləri o cümlədən fəqirlərə sədəqə vermək, köməksizlərə yardım etmək, Quran oxumaq, peyğəmbərdən (s) və əhli-beytdən (ə) nəql olunmuş duaları oxumaq kimi işləri artırmaq. <br />2) Epidemiyanın həcminə münasib olaraq ehtiyatlı olmaq. İztirab və təşvişə yol vermədən ixtisas əhlinin çıxardığı qərarlara müvafiq olaraq qabaqlayıcı və müalicəvi göstərişlərə tamamilə riayət etmək və qeyri-elmi metodlardan uzaq durmaq. <br />3) Bu virusu kiçik saymağın təhlükəsindən başqalarını xəbərdar etməyə çalışmaq və onları aidiyyəti olan qurumların göstərişlərinə riayət etməyə və onları pozmamağa təşviq etmək. <br />4) İş yerlərinin bağlanmasına, gediş-gəlişlərin məhdudlaşdırılmasına görə zərərçəkmiş ailələrə yardım göstərmək. <br />5) Dini və məzhəbi bağlılığından asılı olmayaraq bütün virusa yoluxmuşlara qayğı göstərmək və onlara təsəlli vermək və ehtiyaclarını ödəmək. <br />Allah-taala bütün bəla və pislikləri hamıdan uzaq etsin. <br />Vəssəlamu ələykum və rəhmətullahi və bərəkatuh.</p> <p class="c">27 rəcəb 1441 (23 mart 2020)</p> <p class="c">. S. Ə. H. Sistaninin dəftərxanası – Nəcəf şəhəri.</p>http://www.sistani.org/azari/archive/26402/<p class="c">Bismillahir-Rəhmanir-Rəhim</p> <p>Ali məqamlı şiə mərcəyi-təqlidi cənab seyid Əli Sistaniyə (kölgəsi davamlı olsun). <br />Salam əleykum. <br />Məlum olduğu kimi son günlərdə koronavirus infeksiyasının yayılması ilə bağlı çox insanlar bu virusa yoluxmuşdur. Həkimlər, tibbi personal və könüllü insanlar xəstəxanalarda və müalicə mərkəzlərində dayanmadan xəstələrin və yoluxma şübhəsi olan insanların hallarının yaxşılaşdırılması istiqamətində çalışırlar. Xəstələrlə sıx əlaqələri olduğuna görə həmişə virusa yoluxmaq təhlükəsi onları təhdid etməkdədir, belə ki, onlar öz sağlamlıqlarını və bir çox hallarda həyatlarını təhlükəyə atırlar. Möhtərəm mərcəyi-təqlidin onlara mesajı nədir?</p> <p class="c"> </p> <p class="c"><br />Bismillahir-Rəhmanir-Rəhim</p> <p>Xəstələri müalicə etmək, onların qayğısına qalmaq və onlara aid işləri yerinə yetirmək həkimlərə, tibb işçilərinə və bu işləri görə biləcək bütün şəxslərə kifayi olaraq vacibdir. Aidiyyəti olan bütün məsul işçilərin vəzifəsi budur ki, onları bu virusa yolüxmadan qorumaq üçün bütün lazimi təchizatla təmin etsinlər. Bu işdə səhlənkarlıq və gecikdirmə baş verərsə, onlardan heç bir üzr qəbul ediləcək deyil. <br />Şübhəsiz ki, bu əziz insanların gördükləri iş – qarşıda olan bütün çətinliklərə baxmayaraq böyük və qiymətsiz bir əməldir. Onların işi əhəmiyyətcə bəlkə də ön cəbhədə qəhrəman döyüşçülərin ölkənin və xalqın müdafiə etməsinə yaxındır. <br />Sözsüz ki, Allah taala bu əziz insanların səylərinə bu dünyada qiymət verəcək və axirətdə də mükafat bəxş edəcəkdir. Ümid edirik ki, onlardan öz canını bu yolda fəda edənə qiyamət günündə şəhid məqamı və şəhid mükafatı veriləcəkdir. Biz onlara bu insani addımlarına görə dərin təşəkkür və minnətdarlığımızı bildirir və Allah-taaladan istəyirik ki, onları hər pislikdən qorusun. O, eşidən və biləndir. <br />21 rəcəb, 1441 hicri qəməri.</p>http://www.sistani.org/azari/archive/26393/<p>Bismillahir-Rəhmanir-Rəhim. <br />Həzrət Ayətullah Sistaninin dəftərxanasının məsul işçisi açıqladı: <br />Keçən axşam Həzrət Sistani cənablarının sol ayağı burxulub və bu hadisə onun bud sümüyünün sınmasına səbəb olub. İnşallah bu gün iraqlı həkim qrupu tərəfindən cərrahiyyə əməliyyatı olunacaq. <br />Bütün inanclı və imanlı insanlardan xahiş edirik ki, onu xeyir-dualarında unutmasınlar.</p>http://www.sistani.org/azari/archive/26385/<div style="background-color:#ffd;color:maroon;">Tərkibində spirt (şərab deyil) olan şokoladları yemək icazəlidir?<div>Tərkibindəki spirtin miqdarı cüzi (2% yaxud daha az) olarsa, eybi yoxdur. http://www.sistani.org/azari/qa/26313/<div style="background-color:#ffd;color:maroon;">Tərkibində şəkər spirti olan saqqızlardan istifadə etməyin hökmü nədir?<div>Eybi yoxdur. http://www.sistani.org/azari/qa/26312/<div style="background-color:#ffd;color:maroon;">Tərkibində spirt olan kosmetik vasitələr və ətirlərdən istifadə etmək olarmı? Dəriyə sürtmək üçün həkimin məsləhət gördüyü və tərkibində spirt olan məhlullar necə?<div>Eybi yoxdur, nəcis deyil. http://www.sistani.org/azari/qa/26311/<div style="background-color:#ffd;color:maroon;">Spirt (şərab deyil) içmək haramdırmı? Hətta müalicə məqsədilə olmasa, lakin insanı sərxoş etməsə necə?<div>Haramdır. Əgər onu çox miqdarda içmək insanı sərxoş edirsə, azacıq da içmək haramdır. http://www.sistani.org/azari/qa/26310/<div style="background-color:#ffd;color:maroon;">Tərkibində az miqdarda (məsələn 4%) spirti olan dərmanları qəbul etmək olarmı?<div>Belə dərmanları qəbul etmək icazəli deyil. Lakin ona su qatmaqla o qədər durulaşdırsanız ki, tərkibində cüzi miqdarda (məsələn 2% yaxud daha az) spirt qalsa, bu halda qəbul etməyin eybi yoxdur. http://www.sistani.org/azari/qa/26309/<div style="background-color:#ffd;color:maroon;">Spirtin bütün növləri (texniki, tibbi və sair) pakdırmı?<div>Bəli, spirtin bütün növləri pakdır, lakin onları içmək icazəli deyil. http://www.sistani.org/azari/qa/26308/<div style="background-color:#ffd;color:maroon;">Mən bərbərəm. Bəzən müştəri məndən istəyir ki, saqqalını dibdən ülgüclə qırxım. Mən bunu edə bilərəmmi? Müştərinin buna görə mənə verdiyi pul halaldırmı? Bunu da qeyd edim ki, yeni saqqal çıxarmış gənc müştərilər deyir ki, tam dolmayan və seyrək çıxmış saqqalı üzdə saxlayanda insanı ələ salırlar. <div>Saqqalı dibindən qırxmaq və buna görə zəhmət haqqı almaq – ehtiyat vacibə əsasən –icazəli deyil. Bu hökmdən yalnız iztirar (çarəsizlik) halları, eləcə də saqqal saxlamağın adətən dözülməyən ziyan və çətinliyə səbəb olduğu (hərçənd bu çətinlik istehza və həqarət üzündən belə olsa) hallar istisna olunur. http://www.sistani.org/azari/qa/26305/